《告別2020》
2020年嘅最後一日 ！今年年尾聽到最多嘅一句就係「今年我做過啲乜？」
好似發生好多事咁，又好似乜都冇做咁 ，每日都好緊張，但係又唔知自己緊張嚟有咩用！相信大家好有同感。
我相信每件事都有兩面，看似唔好嘅事，嘗試轉換另一個角度去睇，其實都有好多得着！
今年同朋友親戚之間多咗關心同慰問，我哋學識珍惜眼前人，更加勇敢去表達愛，知道健康嘅重要！學識親親大自然，仲有唔少人由唔識煮飯變成「家居抗疫廚神」添。
可能你會想講「係㗎！每樣野都有好壞，又你唔講吓壞嗰邊？」
其實係因為壞嘅同埋好嘅感覺我都感受過，比較之下我都係喜歡向好嘅方向諗嘅感覺。
我唔係要強迫你唔好喺自己嘅角度出發，而係我覺得喺我依個角度望出去個風景又真係靚啲咁喎，不如你行過嚟望一望，今日個天都幾藍吖。
🥰🥰
最後同愛我同我愛嘅人講，新嘅一年我會更加愛你哋同愛自己，繼續努力加油💪🏻❤️❤️
#2020 #2021 #happynewyear #love
Search